08.08.2008.

08.08.2008.

О уыцы тархсæв ма скæнæт Хуыцау
Мæ Ирыл знаг куы рацыдис мæнгардæй
Куы фæкастис мæ адæммæ фынау,
Куы сырттывта хcæвон арв сæ артæй.

О рæстæг, ды, нæ басастай нæ мах
Кæдфæндыдæр уыдис махæн нæ бæллиц
Хæдбардзинад нын рауадис зынаргъ,
Фæлæ, ды, знаг, дзуапп дæттынæй ма лидз!

Æвзонг удтæ куы рывæрдтой сæ цард-
Нæ Ирыстоны рухс фидæнæн, йеуæд,
Сæ фыдæбон, сæ хæрзтае сты нымад
Цæрæнбонты мысинæгты сты немæ.

Æгъатырæй лæбурдта тугдзых знаг
Нæ сæ ΄взæсрта сывæллон уа, зæронд уа
Уыдысты махæн хъизæмæрдтæ фаг
Ныр та Хуыцауæй курæм мах Сабырад.

Ирон адæмы удварн æмæ кад
Ирон лæгæн кæдфæнды ис йæ миты
Æмæ куы ΄рцæуа кадимæ йæ рад
Лæггад кæнæт Иры зæххæн йæ цинты!

Элина Пухаева